入境Visa 少於2年可以點算？ -GA 專業家傭 | 經驗豐富-誠實可靠-優質僱傭服務

入境Visa 少於2年可以點算？

如果女傭個Passport到期日係少於兩年，即使批出工作簽證係有24個月，女傭實制入境時張入境紙所顯示嘅Visa都會係少於兩年。

一般情況女傭喺佢Visa 到期前去renew passport，跟住帶同新舊passport 上灣仔入境處，就會幫女傭在新Passport上生效剩餘的Visa。

如果唔記得做呢個動作，而女傭中途攞住新Passport離開香港，到女傭再返嚟香港時由於新Passport上面已經冇左工人Visa嘅資料，所以女傭入境時只會當佢係旅客身份。遇到咁嘅情況就會複雜啲，僱主需要另外寫一封解釋信講返成件事，確認女傭Visa expire 嘅中途都係繼續聘請緊呢位工人，同埋有機會要出示呢段時間嘅出糧紀錄等等。

所以為免有咁嘅問題，接工人嘅時候記得睇一睇佢Visa係咪有足夠兩年期喇。