如何請個好工人

如何請個好工人 -GA 專業家傭 | 經驗豐富-誠實可靠-優質僱傭服務
如果想請個好工人，首先要自己做個有質素嘅僱主先，吸引力法則，你對個工人好，自然佢都會對你好。要同工人姐姐相處得好，睇下自己有冇以下嘅小毛病。



1. 放假就唔使做野咖?
星期日，多數工人姐姐都放假。有啲僱主見工人姐姐放完假返黎，會叫佢做野。其實將心比己，如果你老闆係你放假期間比野你做，可能你都會照做既，但條氣唔多順囉。

2. 唔該你順便抺埋我阿媽屋企個地丫
有啲僱主同其他家人住得好近，會叫工人上自己家人屋企做家務。

其實呢個係唔得咖， 工人姐姐只需要係合約上既地點做野。大家又諗下，你係公司做完一日野，你老闆叫你去佢細佬間公司幫一陣手，你會點諗?

3. 見到工人冇做緊嘢就鬧

冇野做? 玩電話? 咁洗多次啲碗啦
有啲工人姐姐手腳快， 好快做哂啲家務，想休息下玩下電話。有啲僱主見到，會再比啲野姐姐做。其實工人做野有效率，係應該表揚一下，可以休息一下的。

4 工作時間收起工人電話。

有啲僱主擔心工人做緊嘢玩電話，索性keep起佢，等夜晚做完野先比返工人。

5. 你個PASSPORT呢?
有啲僱主會叫工人姐姐比個PASSPORT佢KEEP，話驚佢走佬。其實係唔可以咁做的，僱主係冇權保管工人姐姐既個人證件咖，千其唔好咁做呀。 如果畀人捉住後患無窮

有時作為僱主嘅你可以諗下，如果你老闆咁樣對你，你會唔會反感？